يعطيك كل يوم 10.000 دينار ( عشرة آلاف دينار )
لمدة 31 يوما
وفي المقابل
تعطيه أول يوم فلسا واحد ثم يضاعف ولنفس المدة 31 يوما
اي كالتالي :
المبلغ | |
1 فلس ( فلسا واحد ) | |
2 فلس ( فلسان ) | |
4 فلوس ( أربعة فلوس ) | |
8 فلوس ( ثمانية فلوس ) | |
16 فلسا ( ستة عشر فلسا ) | |
32 فلسا ( اثنان وثلاثون فلسا ) | |
64 فلسا ( أربعة وستون فلسا ) |
| الثامن | 128 فلسا ( مئة وثمانية وعشرون فلوسا ) |
|---|---|
| التاسع | 256 فلسا ( مئتان وستة وخمسون فلسا ) |
العاشر | 512 فلسا ( خمسمائه واثنا عشر فلسا ) |
وهكذا حتي اليوم ( 31 ) ... كل يوم ضعف اليوم السابق
هل تقبل أم ترفض ؟ ولماذا ؟
أرجو الإجابة دون إجراء أي عملية حسابية
وانما وفقا للحسبة النظرية
بعد الإجابة احسبها إن شئت
المهم أن تكون الإجابة بـ ( نعم أم لا )
مع ذكر تبرير لذلك
فالهدف ليس في حل المسألة وإنما الإجابة بحد ذاتها أيا كانت
.......
يتبع....
المشاركات
هناك 48 تعليقًا:
همممم
هذه مو يسمونها المتواليه الحسابيه؟
انا راح ارفض
:)
الاولى متوالية حسابية
والثاية متواليه هندسية
ليش ترفضين ؟
لأن راح يتضاعف المبلغ الى رقم ضخم جدا أكبر من 10 آلاف يمكن يوصل اكثر من 100 ألف
لحظه اروح احسبها
و الله انا فاشل بالرياضيات
و حدي رياضيات 20 و قصيت فيه زين طلعت منه
بس شكلها السالفة فخ !!
لا انا راح ارفض
Purplecious
لا تقولين الحسبة
لاحظي الاول يدفع يوميا10 آلاف.... لمدة 31 يوم
لا ما اوافق
ليش : لأني مابي أعطيه ويعطيني
بإختصار ما أحب المذلة
:)
mtfa2el
اهلا عزيزي
سبب الرفض
هو الاحساس بوجود امر ما في المسألة
وليس بسبب الحسبة ذاتها طبعا
سنرى النتيجة ان شاء الله
اسعدني تواجدك
abu eldestor
هههههه
فيها خوش مبلغ طار عمرك
وبدون مذلة ان شاء الله
شكرا لتواجدك الدائم
حسبتها
بس ما راح أقول مسحتها لووووول
بو لطيف 30 او 31؟؟ ترى يوم واحد زياده راح يفرق واااااااااااااااااايد
Purplecious
ما تفرق بيني وبينج ان شاء الله :)
هي 31 يوم
لا اوافق
:)
كبييييييييييييير يا بولطيف :)
وانا بالحج قاعد اقول والله ودي بس اشبك عشان اشوف مدونة بولطيف واطلع :)
كاااااااااااااااااااااااااك :)
تصدق حسبتها :) :) :)
اي شي .. اول ما شفت البوست قلت من امه 10000 دينار !!.. بعدها طلعت انا الغبي !!
لا يبه ماراح اوافق !!
والله انك كبييير ياخوي :)
تحياتي ويسلموااااااااااااااا :)
بس الي محيرني .. ان شنو الربط الي بتربطه بهالحركة !! ... شنو المعنى !!
حدي مترقب :)
لأ لأ لأ
رياضيات
مووو صوبي
راسي يعورني وما اقدر احسب واحد زائد واحد جم
سلام
عرفت الحل
والمفروض بالمنطق وللرغبة بالأكثر
راح أرفض
يعني رد الفعل الأولي بقول شكوووووو يعطيني وأعطيه
لكن صج مابي أفتي
بس اللي أعرفة بالتعاملات المالية الإسلامية لا يسمح بالمال مقابل المال أي أنه المال مقابل سلعة ممكن أما مال بمال فلا
من الممكن أن أكون مخطئة
والأكيد أن رب العزة أعلم مني
الله يعطيك العافية بولطيف
ارفضضضضضضضضض طبــعا ..
السبب : لان كل الي قبلي رفضوا ;q
قلبي يقول ايه اخذة
وعقلي يقول ترك ( خدعه 9 وخر عنه
وبين نداء الجيب و العقل احتارنا
اذا كنت تقصد فايدة ماليه بحته
راح ارفض
حتى قبل لا احسبها
لانه مافيه مبرر انه يعطيني شيء
الا اذا بيستفيد مني بشيء ثاني
??
بس اذا الفايدة معنويه او روحيه
اكيد الواحد يدور الخير
انا بانطر واشوف شنو الربط بين الحسبه هذي
والموضوع اللي ببالك
:)
ماكو، مايجوز
ربى جزاك الله خير
:q
الصراحة راح ارفض
فلوس ماني عارفة مصدرها وليش يعطيني اياها
بو لطيف
فهمت قصدك
و عرفت شنو راح تربط
بس أيضا ما راح أقول عشان لا أحرق البوست
هههههه
:))
و بعدين شهالعتوي اللي يسرح و يمرح بمساجلات؟؟؟
داشه ذاك اليوم ما وعيت الا هاللي يتمسح فيني
جان اشوته شووووووته بس ماكو فايده ماخذ راحته بالبلوق مو راضي يتحرك مبسط
ذكرني بقطاوة الفيحاء
يا كرههم يكاسرونك و يطالعونك من فوق لي تحت.. مو ناقص الا يقولون خير في شي؟؟
سووله دار يا حافظ الحين صممتوا البلوق عيزانين تحطونله دويره يبات فيها
ولا ربطووووووه
شوفو لكم صرفه قاعده احاتي المره اليايه شلون بدش
~pP;
الله يسلمك لا
ليش لا لاني نافهمت :(
أرفض
نظريا" أشعر أنها نوع من الربا
أتوقع إنك بتوصل مفهوم مضاعفة الله للحسنات.. لكني لما قرأت معظم الردود.. الأغلب كان تفكيره بعيد عن المفهوم اللي تبي توصله ..
بالنسبة لي أكيد أرغب باستثمار الفلس الواحد :) باختصار..
100000 * 31 أقل من 2 أوس 31
جزاكم الله خير..
اول ماقريت قلت:
اشــــــــكرا !!
بس احس ان في شي بين السطور
ومو مرتاحة له
وانا اهم شي اكون مرتاحه لأن وايد اثق بـحدسي
وحدسي يقول لي:
تركي عنج
(:
لاتبطي بعرف شالقصة!
لا أوافق :)
لأني لا أرتاح لتلك الطريقة ..
أرفض وبالفم المليان ..لأني اكره الفلوس لما تدخل بين الناس ...وأكره الصفقات ..واكره الحسابات والرياضيات يعني عندي أكون منتفه راضيه عن روحي أحسن من مليونيره كارهه روحي
انا حاصل على شهادة مرحلة الروضة
بس محو امية
ومع هذا راح ارفض
لانه الفلس بيصير مليون
يا ابو اللطف
وعطني ولعه
أبو لطيف ..
لو يوم ثاني ممكن افكر
الحين ما اقدر افكر
ولين فكرت .. يمكن افهم
بانتظار الهدف من الموضوع
تحياتي
اذا بالعمليات الحسابية
10000 × 31
310000 دينار !
و باستخدام المتتالية الهندسية (ادري اني غشيت )
بيطلع الناتج( 2 للاس 3 ) مقسوم على الف
باعتبار ان الناتج راح يطلع بالفلس و تحويل من الفلس للدينار نقسم على الف
فيطلع الناتج ككل
21474843.648 دينار
اللي انا راح ادفعه زيادة على اللي هو راح يعطيني اياه مقدار
1837483.648 دينار
بما معناه
ان يكسب تقريبا بمقدار 6.9 مقابل كل دينار يدفعه
يعني هو يعطيني دينار مقابل سبعة دنانير مني !!
بس ماني فاهمة شنو سبب التبادل !!
ليش عرض هالشغله
لووول لن السؤال ما يطمن !!
ما حطيت بالبوست السابق اذا اوافق و له لا
ماراح اوافق
طبعا بالاضافة الى الخسارة اللي تعادل اضعاف المبلغ
ماكو اي مبرر ان هالحركة تصير !
مادري :S
لنفرض ان مكسبي يطلع اكثر
يظل سؤال ليش الشخص عرض الشغلة لوول
طرى على بالي شغلة ثانية
يمكن بتبين شلون الناس على طول بتوافق
استهانة بقيمة الفلس
فالناس تعطي الاهمية لمقدار الكلمة و ليس لكميتها
لن احتمال هذي تصير على ارض الواقع
يعني اذا بتذكر كلمة فلس و دينار
اكيد توجه الشخص راح يكون للدينار
باعتبار ان الفلس مجرد رقم بسيط
و ان كل دينار يعادل 1000 فلس
الشخص اللي بيوافق بدون اجراء الحسبة بيروح بديهيا لقيم الاسماء
ناسي ان الفلس يصير خمسة .. و عشرة
نفس قطرات المياة في الدلو
و اشارت الزين في مدونتها لكرة الجليد الصغيرة .. و شلون تتحول مع الوقت الى كرة هائلة من الجليد
لووووووووووول ماني قام احاول اتفلسف لكن حاولت افكر بسبب ادراجك للموضوع
مممممممم يمكن اذا وصلت لحل ثاني ادرجه
او احتمال يكون توجهك بالصفقات سياسي
!!!!!!!!!!!
انا مادري تفكيري لي وين بيوصلني بس اذا كان التوجه سياسي راح اضرب مثال
مجلس الامة و انتخاباتها
اذا هو بيعطي كل شخص شراء لاصواتهم مبلغ محدد من المال .. و يكسب اضعافه يما يدخل المجلس
قد يكون مثال
لكن .. بهالطريقة كلا الطرفين رابحين
الا اذا كان راس مال عضو المجلس من اموال الشعب
لكن هذي لا تعد خسارة بالنسبة للشعب لن الاموال ماكانت بين ايدين الشعب عشان يخسرها
يعني نفس ماقلت يمكن مو هذا قصدك بس هذا يظل مثال وارد اضيفه لاحتمالاتي
P: اتوقع خلصوا احتمالاتي جذي
عاد اذا طرى على بالي شغلة ..P:
تحياااتي و انتظر المغزى ... نفسهم
صبحك الله بالخير
بما اني البارحه مبنجرة
واليوم صحصحت
الحين بجاوب على سؤالك
الموضوع شكله قرض
وانا ما احب القروض كلش واستحرم الفايدة
جوابي باختصار لأ
ما احب اكون مديونه لأحد أبد
:)
وبيربل مالج شغل بقطوتي لا تحنين
كل ما غيرنا شي قلتي بعد غيروا
:)
شقصتج معانا بالله
الأمر يتعلق بالربا !
فإذا كان مجموع (31×10.000)
أقل أو أعلا (31× مضاعفات الأفلاس) فالأمر شرعاً مرفوض يا بلطيف حسب أعتقادي !
والله الأعلم
المفتي العام للمدوانت
عمتي أخت أبوي
صباح الخير
و النوير
مادري ليش احس فيه
شى من وراء السطور
p;
بالنسبة لي
شى فيه
ربا مرفوض
الله بيعدنه عنه ..
و بعدين مو جنة مايجوز
المال مقابل المال
الله اعلم
انا ناطرة ترى
لا تطول علينا
ما اوافق..
السبب ..اممممم
احس انه الحسبه مو عادله..
يعني لو نفس المبلغ الي باخذه راح ارده لازياده ولا نقصان .. هم ماراح اسويها لاني ما احب الدين ..
بس اذا مضطره راح ارضى بهالحسبه1:1 مو بغيرهاا..
بس ليييييييش؟؟
برفض لأني قريتها من قبل
:)
ها خيي شهالسوالف ...ترى مو ناقصين
بروحنا متعقدين من الدنيا
هالدور بتعقدنا زيادة
ماسك اصابعي واصابع عيالي واحسب عليهم .....
اي شي :)
بس مبدئيا ...كأني فهم قصدك من ورا الموضوع
ودائما قصدك عميق :)
لا لا لا
لا يحوشك
حدا الله يا خوي
خل العشر آلاف عنده وخل الفلس عندي :)
ارفض لأن المتتاليه اللي عنده حسابيه (نفس المبلغ يوميا)
واللي عندي هندسيه ( 2^x ) يعني كل يوم الاس (x) راح ايزيد للضعف يعني لازم اخذ قرض عشان اسددهم له :)))))
لأن اهوه يدفع اقل مني اذا حسبنا التوتال على مدة ال 31 يوم
هاذا ايسمونه فايده بسيطه وفايده مركبه
simple and complex intrest
:)
ها ناجحه ولا ساقطه ؟
بو لطيف جاملني ترا اول مرة اعلق عندك بليـــــز :)
الريال قال بدون حسبة
انا راح اخذ 10000 واعطيه فلس
وثاني يوم بغير رقمي
اكيد عرض بو فلس
:)
كل الشكر لجميع من شارك وابدى رايه
ولمن اطلع ولم يبدي رايا ايضا
المسالة أساسا كانت قديما تعرض على الصغار
واصلها دينار بفلس ... وليست عشرة آلاف دينار بفلس
ولم يكن قصد المسألة علاقتها بالربا أو أنواع البيوع أو البدل
ولكن القصد منها كان بيان اثر المتواليات الهندسية في مضاعفة المبلغ
كان الصغار يختارون بشكل طبيعي الدينار لأنه اكبر من الفلس كثيرا
وهذا أمر طبيعي بالنسبة لهم
وبعد حل المسألة يعرفون اثر المتواليات الهندسية في الزيادة
في مسألتنا المعروضة كان الفرق واضحا في كبر حجم المبلغ الأول عن الثاني ....
10 آلاف مقابل فلسا واحدا
فكان من الطبيعي أن نتوجس من المسالة ونرفض العرض
وذلك – غالبا - اعتمادا على الذكاء و المنطق وليس بناء على معلومة
البعض ذهب إلى أكثر من النظرة العامة المجردة للمسألة
ونظر لها من منظور شرعي والبعض أوصلها إلى المنظور السياسي
وهذا أيضا أمر طبيعي في اختلاف نظرتنا للأمور
كل منا ينظر إليها من زاوية مختلفة عن الآخر
المحصلة النهائية إن الجميع يرفض بغض النظر عن السبب أو المبررات
فالمسألة واضحة وهي مسألة مادية بحته لذا رفضها البعض وفقا لحساب الربح والخسارة
ومن نظر إليها من منظور شرعي ... كان – بالنسبة له - وضوح عدم جواز هذا التعامل
رغم أنه قد يكون هناك كلام في هذا الأمر ...
ولا نغفل جانب الخسارة أيضا
فلو كانت الصفقة رابحة فقد يتغير المنظور الشرعي لدى البعض منا
ولا بد من الإشارة إلى أن
العينة ليست عينة قياس
فهي ليست عشوائية تماما
ولكن شريحة المشاركين هم من فئة عمرية محددة ومستوى تعليمي محدد
رغم ذلك يمكن أن نقول إننا حصلنا على أراء متعددة ومختلفة تمثل نظرات وتوجهات مختلفة
وهذه الآراء – وبعضها لم يكن متوقعا - فتحت آفاقا لمقالات عدة بخلاف ما كنت ارمي إليه
علما بانه لاتوجد اجابة صحيحة واجابة خاطئة... وانما كان الامر تحضير وتمهيد للمقال القادم
والان ننتقل الى مقالنا الهدف
حفظكم الله ورعاكم
ارفض
لانه العدد قاعد يكثر و راح يوصل العدد كثير جدا
هذي مثل الذنوب تسوي شويه هذه الذنب البسيط و هذا الذنب البسيط و هذا و هذا وهذا ليما يصير عندك جبل ذنوب
اذا تهاونت بهصغير راح اعطيه عدد كبير
راح يوصل فوق 10 آلاف
انا وايد متأخر ولا يتهيألي؟؟!!
إرسال تعليق