تحديث 1....رد الزين
تحديث 2... رد على الرد
تحديث3...رد الزين على الرد
تحديث 4 ... رد على الرد
اي تحديث بعد ذلك يعتبر غير دستوري
انطلاقا من مبدأ المساواة
والتي هيهات ان تطبق هيهات
اليكم هذه الكليمات
في الوجدانيات
..........
كل شي انتهى
يللي سكنتي خاطري
وفي اقصى قلبي
والحشا
كل شي انتهى
لا تشتكين
انا اعترف
كنتِ وجودي وكل شي
وكنت بكلماج انتشي
اسرح ... في ذرات الهوا
مجروح .... و انتِ لي الدوا
افرح ... وانت من طوى
حزني الكبير
لا تشتكين
انا اعترف
انت الحياة ... بحلوها
وآنه التعاسة ... بمرها
انت الامل
وآنه اللي ضيعت الامل
انت مراسي دمعتي
في وسطها ... لجفني .. وطن
انت بحياتي شمعتي
في ضوها .... قلبي سكن
لا تشتكين
آنه اعترف
انت اللي فيج ابتدا
لي كل شي
وانت اللي عندج ينتهى
لي كل شي
انت اللي بعيونج كتبت
كل قصتي
انتي اللي في قلبج زرعت
ورد جنتي
وانه معاج دوم نختلف
و طبيعي لازم نختلف
اش فايدة النور في النهار...
لو ما الظلام... ما كانت انوارج تلق
وآنه الظلام
الي يكحل كحلتج
وانت الكلام
لو ما الخصام
شلون القلوب تحترق
لو ما انا
من له تقولين ...
نفترق
لاني عليج انه اخاف
من نفسي
مو من اي شي
خل نفترق
............
قد تعلم غدا ما تجهله اليوم
حكمة يوغزلندية
........
رد .... الزين
ياللي زمانك ينتظر صحوة زماني
هاك الأماني ليه صفت منها الأماني
واملا زبيلك من شقا وطعم الحياة
ماهي نهاية قصتك في خاطري وتبقى الحياة
يوم(ن) تشكى خاطرك من خاطري
يوم(ن) عتب بحوش قلبك واعترف
يوم التوى صوت الحنين وانشلع
ومابقى غير حسي اللي انبلع
بشوفتك ... بخطوتك ... تخطي يمين .. تنحي شمال
منهو اللي قال آنا اعترف
منهو تشكي من التعب
وانا الحياة بحلوها ومرها
وانت اللي ثملت بشربها
آنا الأمل
إيه الأمل
آنا السما ... وبصدري بدرك اكتمل
وماني مراسي لدمعتك
آنا الضوى بشمعتك
ماني الم .. ماني عذاب
آنا لروحك سكنتك
آنا النسيم بهب السعد
اوصف بعد!!
26/11/08
02:09 م
........
رد على الرد
لا توصفين...
كافي ... وبعد لا توصفين
انا اوصفج
انت الهوى ... اتنسمه
انت السما
انت اللي لي شح السحاب
مطره تداوي علتي
وبلسمه
ياسديرتي
لو تنطقين
بحلفج منهو اللي روى
من دمعته ارض تربتج
منهو اللي صاغ كنارتج
من مبسمه
منهو اللي خلى شوكتج
متبسمه
لا توصفين ... انا اوصفج
انت اللي ابليس غوى ...
من فتنتج
طب وهوى
يدوّر .... يسأل عن دوا
يللي فتنتي الفتون
يلي تلاحقها العيون
قولي لي انا من اكون
يم فتنتج
لا توصفين ... انا اوصفج
انت الزمان لاجل المكان
انت المكان حق الزمن
انت الثواني بنبضها
لي وقفوا نبض الزمن
انت شراع قلوبنا
يوم بحرت وسط المحن
انت سفينة دمعتي
تحملها لي من غير ثمن
انت الكلام كله يعي يوصفج
انت الكلام ....
لا ...انت اكبر من الكلام
بس ...
مجبور انا اعترف
تدرين وادري بنفترق *
تدرين قلبي بيحترق
حنا اتفقنا بكل شي
الا الزمان
عيا الزمان
لانتفق
و لاني عليج
انه اخاف
من نفسي
لازم نفترق
27/11/08
03:53 م
......
* كلمات عبدالرحمن بن مساعد
........
رد الزين
تبي نفترق!!
خل نتفق
إنت وآنا
خلنا نعاند قلبنا
خلنا انتحدى شوقنا
كافي كلام .....أبغى فعل
كافي تقولب بالهوى مثل الحمام
هنا ........ وهنا
وإنت تقول آنا الهوى
وكيف الهوى يصبح هبوب
وإنت الذي بساعة صفا بحبي تذوب
وسديرتك آنا اكون
وكيف الخضار لغصنها يقدر يخون
وكيف الدموع تصبح سراب يروي التراب
مو آنا تفاحتك
اللي بها ابليس لآدم وحوا غوا
مو آنا فتنتك ... دنيتك وجنتك
مو آنا مجنونتك اللي استوت لجروحك دوا
جاوب ورد ليش الهجر
ليش الهروب
وكل هالوصوف وكل هالشعر فيني تقول
ارجع ترى
ما عاد فيني اكتمل مثل البدر وإنت بعيد
وشراعي آنا عيا يعلي ويرتفع
وقليبي انا دونك إنت ماهو سعيد
جيب الزمن لعندي ورا
خله يعيد كل الكلام
يخله يداوي كل الجروح ويكفي ملام
خله يزين الأحلام بحلمي أنا
واجلس معاي بجنبي هنا
خلنا نحاكي فرحنا
لا تبتعد
لا نفترق
خل الكلام عنك بعيد
واشرب معي كاس الهنا
انت تبغي منا نفترق
نب نحترق ... ونصبح رماد
والله حرام
لا ترمي قلبك بالثري
مهما جرى
آنا لغيرك ما استوى
مهما جرى
ارحم قلب(ن) حن لك
لا تهلكه بعز الغرام
يكفي ملام
قرب هنا
اترك معي كل الكلام
خلني معك
ولا نفترق
27/11/08
18:10
........
رد على الرد
هي كلمتين
وباختصار
الحب مو كل شي
وما تجتمع جنة ونار
:)
27/11/08
20:55
المشاركات
هناك 40 تعليقًا:
أبو لطيف ..
الجانب الآخر ..
كلمات حلوة .. تبين خلفية ما كانت مكشوفة لنا .. :)
بس عورني قلبي .. يوم قلت (خل نفترق) ..
ترى الفراق بأي شكل كان .. متعب ..
ويمكن ساعات أفضل الواحد يفترق ..باختياره .. من إنه ينجبر على الفراق ..
بنت سيف
ليش صاير قاسي علي نفسك يا ابو لطيف
حكمة يوغزلندية
:)
صح لسانكم
ياللي زمانك ينتظر صحوة زماني
هاك الأماني ليه صفت منها الأماني
واملا زبيلك من شقا وطعم الحياة
ماهي نهاية قصتك في خاطري
وتبقى الحياة
يوم(ن) تشكى خاطرك من خاطري
يوم(ن) عتب بحوش قلبك واعترف
يوم التوى صوت الحنين وانشلع
ومابقى غير حسي اللي انبلع
بشوفتك ... بخطوتك ... تخطي يمين .. تنحي شمال
منهو اللي قال آنا اعترف
منهو تشكي من التعب
وانا الحياة بحلوها ومرها
وانت اللي ثملت بشربها
آنا الأمل
إيه الأمل
آنا السما ... وبصدري بدرك اكتمل
وماني مراسي لدمعتك
آنا الضوى بشمعتك
ماني الم .. ماني عذاب
آنا لروحك سكنتك
آنا النسيم بهب السعد
اوصف بعد!!
قليل من النصوص ما يحرك بي احساس المساجلة
كان نصك منهم
شكرا لك
ابداع ابدااع
ابداع بالقصيدة
وابداع بالرد
عجيب هالبوست
شكراااا :)
تسألني نفترق ... وانا بالفراق ..احترق
تنسى اللي صار .. تنسى اللي بيني وبينك زمن .. اه من العذر..
هذا العذر ... تهجرني ..وانت وانا ممكن نختلف ...
تقوى الهجر ... تحرق فؤادي و تتركة ... دون الامل
لكن مانفترق ... اي نختلف .. باسم المحبة و بكل شي .. مانفترق
وين الصبر ... وين اللياقة .. وين العقل
تتركني وانا ..وين ماكون طيفك يمر
ليش الهجر ... ليش تتركني بألم
تقسى علي .. وانا بجرحي اندمر
وين الشعور .. اللي ياخذني لأعلى سما
وين الجمال .. اللي بعيونة اذوب انا
انا الصحاري تشتاق .. لصوت المطر
ليش الجفا .. ليش الغدر..تتركني ..وانا ما احتمل
لا تعتذر ..بالخوف من نفسك علي
انت وانا .. مانحتمل ..كلمة هجر
ليش الهجر
اختك المنعزلة / من لا تحب الانتظار
لو ما الخصام
شلون القلوب تحترق
لو ما انا
من له تقولين ...
نفترق
لاني عليج انه اخاف
من نفسي
مو من اي شي
خل نفترق
.....
حركات يديده خيو
:)
....
هاذي غراميات... أكثر مما تكون وجدانيات :)
....
تسلم ايدك ... وصح لسانك :)
مــــــــــبدع مبــــــدع
دقيت الناس سلف
اشارك والا صار زحمه؟
:)
بنت سيف
يا هلا بالغالية
بعد في جوانب وايد الله يستر منها :)
...
ترى الفراق بأي شكل كان .. متعب ..
...
لا شك في ذلك
ولابد من ان نعترف بانه لابد واقع شئنا ام ابينا
دمتي بحفظ الرحمن
Sweet Revenge
مو قساوة
هذي منتهى الرقة :)
حفظك الله ورعاك
abu eldestor
صح بدنك
الحكمة هجين
ما لقينا عربي اصلي
دمت بحفظ الله
الزين
طال عمرج
دمتي بحفظ الله ورعايته
Najmah
بلا خلا ولا عدم
حفظك الله ورعاك
من لا تحب الانتظار
ليش الهجر !!
....
ما في هجر
بس نفترق
هي من وحي قصة واقعية
فيها من الايثار ما قد لا نستوعبه
وكلها لياقة وشفافية ...بل هي تمثل اقصى درجات اللياقة
ان سمحت الظروف قد نرويها ان شاء الله
شكرا لك ولكماتك الرائعة
دمتي بحفظ الله ورعايته
دروازة
يا هلا بالحبيب
سلمك الله ... صح بدنك
...
حركات يديده خيو
...
حردوغ :)
....
ظاهرها غرام باطنها وجدان
دمت بحفظ الرحمن
Makintosh
جزاك الله خير
لا خلا ولا عدم
حفظك الله
كويــتي لايــعه كبــده
يا هلا بالحبيب
الناس على طريف ... قلنا نغير الجو شوي
شارك طال عمرك
ماكو زحمة ... نفضي لك المدونة كلها
متعنا باللي عندك ولا تحرمنا
حفظك الرحمن
هذي فايدة الاعترافات بين فتره و فتره
تجدد و تعيد اشيا و تعطي نكهه
خصوصا هالنوعيه من الاعترافات.. اللي ما القصد من وراها تدمير
صح لسانك و صح لسان الزين بعد
بس يوغزلنديه! اول مره اسمع
طلعو حكما ربعنا هناك
بششششششش
:)
تدرين وادري بنفترق
تدرين قلبي بيحترق
حنا اتفقنا بكل شي
الا الزمان
عيا الزمان
لانتفق
صح لسانك
عندي سؤال
يوغزلندا اهي نيوزلندا !؟
وهم برد
:)
ابو لطيف
القصــيده كلمات عبدالرحمن بن مساعد
العذر لم انوه لها بالتعليق السابق ...
http://www.bn-msaad.com/articles-action-show-id-10.htm
شاهد الرابط
"تدرين وادري بنفترق "
اعتذر مره ثانيه ...
تبي نفترق!!
خل نتفق
إنت وآنا
خلنا نعاند قلبنا
خلنا انتحدى شوقنا
كافي كلام .....أبغى فعل
كافي تقولب بالهوى مثل الحمام
هنا ........ وهنا
وإنت تقول آنا الهوى
وكيف الهوى يصبح هبوب
وإنت الذي بساعة صفا بحبي تذوب
وسديرتك آنا اكون
وكيف الخضار لغصنها يقدر يخون
وكيف الدموع تصبح سراب يروي التراب
مو آنا تفاحتك
اللي بها ابليس لآدم وحوا غوا
مو آنا فتنتك ... دنيتك وجنتك
مو آنا مجنونتك اللي استوت لجروحك دوا
جاوب ورد ليش الهجر
ليش الهروب
وكل هالوصوف وكل هالشعر فيني تقول
ارجع ترى
ما عاد فيني اكتمل مثل البدر وإنت بعيد
وشراعي آنا عيا يعلي ويرتفع
وقليبي انا دونك إنت ماهو سعيد
جيب الزمن لعندي ورا
خله يعيد كل الكلام
يخله يداوي كل الجروح ويكفي ملام
خله يزين الأحلام بحلمي أنا
واجلس معاي بجنبي هنا
خلنا نحاكي فرحنا
لا تبتعد
لا نفترق
خل الكلام عنك بعيد
واشرب معي كاس الهنا
انت تبغي منا نفترق
نب نحترق ... ونصبح رماد
والله حرام
لا ترمي قلبك بالثري
مهما جرى
آنا لغيرك ما استوى
مهما جرى
ارحم قلب(ن) حن لك
لا تهلكه بعز الغرام
يكفي ملام
قرب هنا
اترك معي كل الكلام
خلني معك
ولا نفترق
:)
ضـاد
ياه هلا وغلا
صح بدنك
الحمد لله ان الاعترافات طوعية :)
...
بس يوغزلنديه! اول مره اسمع
...
طبعا هذي هجين
قد تنزل الاسواق قريبا :)
دمتي بحفظ الله ورعايته
terkwaz
يا هلا
صح بدنج
....
عندي سؤال
يوغزلندا اهي نيوزلندا !؟
....
لا هذي هجين
بعد ما طلعت للدنيا :)
وانا اللي اعتذر لاني ما تأكدت
المفروض اتأكد ...واستأذن منج بعد
السموحه
دمتي بحفظ الرحمن
الزين
وهم برد
:)
وانا بعد :)
طال عمرج
ابولطيف
جميل ورائع بعد :)
صح لسانكم
دام كل شي انتهى ..
وش لك بالباقي ؟
خل الحزن ورا ظهرك ..
وخل الفرح قدامك ..
ترا العمر لحظة ..
تمر بلمح البصر ..
وترا الزمن من العمر ..
وش لك بالحزن .. والشقى ؟
ارحم قلبك ..
اوقف منتصب ..
وخل الشقى وراك ..
صعبة على الإنسان يشوف اللي وراه ..
لكن ماهي صعبة على .. أحساسه !
القلب لامن زادت جروحه ..
صعبة على الحياة .. تبريه ..
وخل الأمل .. يبـريه ..
لأن الامل .. صعب يموت بقلب حساس !
لك طريقك ..
ولها طريقها ..
لو كان الغلا موجود ..
ماشفت الفراق يفرض وجوده ..
كل(ن) يروح بطريقه ..
والله يسهل امـوره ..
ياصاحبي .. (بولطيف)
وياصاحبتي .. (الزين)
ترا غلاكم .. غالي
لكن الفراق بينكم .. اغلى !
ماقريت التحديث
بس غير دستوري وقفتني لووول :))
ويوغزلندا
سويت عليها سيرج بعرف وين مكان الديره !!
وطلعت كومنق سون :)
لي عوده
بس
يا هلا ومرحبا
وجودج اروع
لا خلا ولا عدم
حفظك الله
لسه فاكر؟
يا هلا وغلا
احسنت
هي مساجلة فقط :)
انا والزين اخوة
لا فراق بيننا باذن الله
جزاك الله خير
اسعدني تواجدك وتعليقك
دمت بحفظ الله ورعايته
terkwaz
...
ماقريت التحديث
...
اقريه بسرعة
يمكن يحلّون المدونة :)
....
بس غير دستوري وقفتني
....
وقفت الديرة كلها مو بس انت :)
هذي الموضة هل يومين
....
ويوغزلندا
....
جوجلي = يوغزلندية
http://www.google.com/search?hl=ar&rlz=1T4GGLJ_arKW287KW287&q=%D9%8A%D9%88%D8%BA%D8%B2%D9%84%D9%86%D8%AF%D9%8A%D8%A9&btnG=%D8%A8%D8%AD%D8%AB%21&lr=
:))
حغظك الله
يا ترى الرد صار مسموح
ولاّ نروح..
ننطر تدفق مشاعركم؟
مرارا وتكرارا
لمن يجي الكلام باحساس والله طعمه يختلف يختلف..
حدكم عجيبين اليوم
استمتعت جدا جدا بتواصل احداثي مع مشاعركم
اصفق لكم :))
* ابو لطيف .. حرام تدفن كل هذا وتحرمنا منه
الله يحفظكم قولو آمين
تراب
يا هلا بالغالية
تونا بنحرك زين لحقتي علينا :)
الرد مسموح ودستوري بعد
واذا مو مسموح ... لج يصير الف مسموح
لا خلا ولا عدم
ما دفنا شي يالغالية
بس في اولويات
وكل شي يطلع بوقته
والزين اهي اللي جرتني ونبشت :)
التنويع زين
ريحنا جم يوم
وان شاء الله نرد بين وبين
وكما قال الرسول صلى الله عليه وسلم :
يا حنظلة ساعة وساعة
دمتي بحفظ الله ورعايته
:)
اعتبر ردك الأخير استسلام!!
لو نكمل باجي القصيد والكلام
ولسه فاكر لا تزيد بالملام
كله تحدي بيني وبين الشيخ بو لطيف
مساجلة ممتعة
امتعتنا وامتعتكم معانا
فلا يروح تفكيرك بعيد
شتقول يابولطيف
صح الكلام؟؟
:))
ادري والله
حبيت اشارك وامشي
وانتي وبولطيف على الراس
بس مجرد مشاركة بسيطة اتمنى محد يزعل منها
الزين
يا خيتي ماهو استسلام
لا .. ولاهو آخر الكلام
بس احنا ديمقراطيين
ونرحب بس بالحلوين :)
نسمع رايك ممنونين
من غير ما نكون زعلانين
نطرب ونقول ليل وعين
لكم وحدة من الثنتين
اما انكم موافقين
على انقوله او راضين
وان قلتوا غيرها ... شين
رايكم مردود مشكورين
شفتي شلون ديمقراطيين ؟
....
تقول الحكمة الهنغالية ...
يبدأ نقاش الرجل ديقراطيا وينتهي ديكتاتوريا
.....
صح الكلام
وناخذ بريك
ونرجع ان شاء الله بفكرة جديدة
دمت بحفظ الله
طال عمرج
لسه فاكر؟
يا هلا وغلا
تشارك على الراس والعين
واحنا منك ممنونين
بس تمشي ...لا مو راضين
ونصير منك زعلانين
:)
....
يسلم راسك
وربي ما يجيب الزعل
كلنا اخوة واهل
حياك الله اخي في كل وقت
وما قلت اخي الا كل خير وهو في سياق المسجلات ... ليس الا
انت بس لا تزعل
دمت بحفظ الرحمن
إرسال تعليق