تحديث ... نعال تصيح .....؟ اثنان في واحد
...............
آنه اقول
وانت تقول
ابجم اقول ؟
هذا يبيع
وذاك يشتري
صرنا في سوق
وضاعت حقوق
ما بين غشاش
ومفتري
عطني رويد
وخذ لك بقل
خلني اكسر لك نقل
يمكن يكبّر العقل
والبن لابد تحمسه
اش هلمسخرة
صرنا ترى احنا طرطرا
خطوة جدام وعشرة ورا
آه يازمان
مالك أمان
راعي الهبان
فج مدرسة
يعطي دروس
وكل من يحوس
عنده ويبوس
يبي شهادة هندسة
عندي عيال
راحو اليال
غنوا يامال
ياهم سبيطي
حيال
منهو اللي يقدر يرفسه ؟
ديرة ابوي
وامي واخوي
فيها كاوبوي
يبي بقرة
شرط آنسه
اخربط واقول
ماكو عقول
تفهم شقول
صج بربسه
طار العقل
ما عاد فوق روسنا عقل
جريمبه وبزمة خوش شغل
و زنوبه احسن النعل
ودشداشة عالجها بغل
والقذلة حلوة
مسحسحه
بسك تحلطم ولاتقول
هل ولد شقاعد يقول
ما عاد فيها حد مسئول
علّي نقوله ونلبسه
اللي فهم من هل كلام
حتى ولو حرف ( ن ) تمام
اقوله آنه يا سلام
واعطيه حلاو( ن) يلحسه
.......
نعال تصيح
قاعد في يوم حدي مقهور
ما فرق بين ظلمة ونور
نور الفنر
مو نور اللي تخبرون
من ناس افعالها تعل
ياني ابليس بن عندريس
قالي اكل شوي هريس
قلت له ياعمي انجلع
ما بي ونيس
قال لي تطاول هل نعل
وصفق على خد الخسيس
فجأة سمعت نعال تصيح
نعال تصحيح في هل زمن ؟
اشلون تصيح ؟
شللي حصل ؟
لابسها انه من زمان
من يوم ما جدي اندفن
جدي الكبير
ماشي انا فيها بطريج
من الجهرا لي آخر عدن
امخبط بالطين الوصخ
دايس على جبال العفن
بر وبحر
يا ما شربت ماين خريج
والملح طرزها وسكن
وما قد شكت
شللي حصل ؟
ليش هي تصيح ؟
قالت بتلوّث سمعتي
شهقت وقلت ...يا لهوتي
اشلون الوّث سمعتج ؟
قالت انا وين ماتبي ...وياك اروح
وما اشتكي
قطني ... تمون
قطعني
ودني وين ما تبي
كل شي يهون
بس.. لا تلوث سمعتي بخدن وصخ
ارجوك ارحم سيرتي
لا تلطخ نعالن شريف
باللي العبوا بديرتي
المشاركات
